هالمقال مافي شي جديد، ولا معلومات سرية انكشفت من يومين عن فساد بلدية بيروت.
هيدا مقال ليتذكر البيروتي، يلي بيدفع ثمن تلوث المدينة وغياب المساحات الخضرا، وعجقة السير، وسوء الصرف الصحي، وقلة النضافة، وغياب التخطيط، وتسكير الشوارع كرمال كل واحد كبرت الخسة براسه شوي، والاهم البيروتي يلي ع بيدفع ثمن احتلال البحر وبيعه... تذكيره ب هو مين صدق ومين انتخب وشو عملولوا..
بـ 17 تموز، عنوان بكل الاعلام اللبناني: رئيس بدية بيروت يتبرع بمليون دولار لنفسه.. هون كان الريس قرر انو جمعية هو احد مؤسسيها، بتستاهل مليون جولار من جيبة البيروتيين..
سنة ال2017 ميزانية البلدية كانت 455 مليون دولار؟ وين انصرفت؟
زيادة عال 500 مليون دولار، ليش انخفض احتياطي البلدية عند المصرف المركزي 400 مليون دولار، يعني الشباب صرفوا ب سنة وحدة 900 مليون دولار
بميزانية ال 2017، خصص المجلس 7 ملايين و500 ألف ليرة لموظف لشراء الهدايا! و 5 ملايين ليرة لصيانة سيارات رئيس البلدية.
نحو 32 مليون ليرة للمكتب الاستشاري «ايس» بدل «دراسة وخرائط تفصيلية لمشاريع تأهيل البنى التحتية في مناطق بيروت»، مع انه مجلس الإنماء والإعمار عامل كتير دراسات مماثلة كمان اندفع عليها ملايين
شجرة الميلاد كلفتك يا بيروتي 250 مليون ليرة، يعني 166 الف دولار.
مهرجان عيش الاشرفية كلفك يا بيروتي 40 مليون ليرة، عشرين منها لل LBCI
عشاء بالبيال لرؤساء البلديات الاجانب ب 55000 دولار
شراء شتول للطابق الثاني بالبلدية (بعشرين مليون ليرة!)
شركة وحدة.. شخص واحد.. المستثمر الملك ، جهاد العرب حصل من البلدية على كل هالمشاريع:
- تشغيل مطمر الكوستابرافا
- اعمال انشاء سوق الخضار بالطريق الجديدة
- صيانة نفق سليم سلام
- المستشفى المصري الميداني في حرش بيروت
عزيزي البيروتي، الشيخ سعد وعدك وقت انتخابات البلدية ب مترو، وباصات عالبطارية بالشوارع الداخلية، خط خاص للحافلات السريعة، حدائق، أشجار، معالجة النفايات بالتفكك الحراري، عاصمة صديقة للبيئة، طرقات آمنة، شاطئ عام، حرج بيروت، ملاعب، زيادة المساحات الخضراء.. من 2016 لليوم، ما شفنا شي نحنا كولاد بيروت..
بالمشبرح يا عزيزي البيروتي، وعدوك بمدينة خرج تعيش فيها، انتخبتن، سرقوا المدينة وما خلو شي فيها... وتبليط نفق بكلفنا 17 مليون دولار ..
لما توصل عالصندوق يا بيروتي، اعرف شو تختار .
